ధ్యానంలో ☄విశ్వ చైతన్య శక్తి అనుభవం🔆

ధ్యానంలో ☄విశ్వ చైతన్య శక్తి అనుభవం🔆
విశ్వ చైతన్య శక్తి అనేది విశ్వమంతా వ్యాపించి వున్న శక్తి . విశ్వ కేంద్రం నుండి విశ్వానికి లభిస్తున్న శక్తి. అయితే మనం నిద్రలో కొద్దిగా ఆ చైతన్య శక్తి ని తీసుకొంటాము. 🙏 దైవ నామ స్మరణతో కొంత వరకు ఆ శక్తి లభిస్తుంది. అయినా గూడ మనం పూర్తిగా ఆ శక్తి ని స్వీకరించాలంటే ధ్యానం ఒక్కటే మార్గం. ఈ విశ్వ చైతన్య శక్తి మన శరీరములో ప్రవేశిస్తే  చెడ్డ ప్రాణ శక్తి తొలగి 👌దివ్యమైన మంచి ప్రాణ శక్తి లభిస్తుంది. మనం దేవాలయాలకు వెళ్ళినప్పుడు గోపురముపై కలశాన్ని గమనించవచ్చు.నేరుగా ఆ కలశం క్రిందనే గర్భాలయములో  విగ్రహం ఏర్పాటు చేసివుంటారు.ఎందుకు అలా వుంటుందంటే 🔺కలశం ఒక రిసీవర్ యాంటెన్న లాగ పనిచేసి విశ్వ చైతన్య శక్తి ని  గ్రహిస్తుంది. మనం విగ్రహం వద్దకు పోయి  నమస్కరించినప్పుడు  మనకు తెలియకుండానే తలవంచి కళ్ళు మూసుకొంటాము. తల వంచినప్పుడు విగ్రహంలో వున్న శక్తి కాస్త మన బ్రహ్మరంధ్రం నుండి మనలోకి ప్రవేశిస్తుంది. తలవంచి కళ్ళు మూసుకోన్నప్పుడు అర్ధం ఏమిటంటే నిజమైన దేవుడు అక్కడ లేడు అని మనలో వున్న 💥దేవుడిని చూడడానికి కళ్ళు మూసుకొని  ప్రయత్నిస్తున్నాము.
అదేవిధంగా మన శరీర నిర్మాణములో గూడ దేవాలయానికి పోలిక వుంది.మన శిరస్సు గోపురము అయితే తలపై వున్నా బ్రహ్మరంధ్రము కలశం. మన హృదయం పవిత్ర గర్భాలయం. అందులో వున్న ఆత్మ విగ్రహం.అయితే ఆ జీవాత్మ ను పరమాత్మ గా మారడానికి ధ్యానం ఒక్కటే మంచి మార్గం. ధ్యానంలో విశ్వ చైతన్య శక్తి ప్రసరించి ఆ ఆత్మకు దివ్యత్వాన్ని ఇస్తుంది. అదే విధంగా మన శరీరమంతా చైతన్య శక్తి (Energy) ప్రవహించి శరీములో గల బ్లాక్స్ ను తొలగించి ఆ స్థానంలో ప్రవేశిస్తుంది.

మన భౌతిక శరీరంపై భౌతికమైన కంటికి కనిపించని  ఈధరిక్ బాడీ వ్యాపించివుంటుంది. ఆ ఈధరిక్ బాడీ పైన ఆరా వ్యాపించి వుంటుంది. బాగా ధ్యానం చేసే వారికి ఎదుటి వారిలో ఆ ఆరా కనిపిస్తుంది  క్యాన్సర్ లేదా మరేదైనా వ్యాధుల కారణంగా  ఆ ఆరా లో బ్లాక్స్ (చెడ్డ ప్రాణ శక్తి)కనిపిస్తాయి. అయితే ధ్యానం వలన మనలో విశ్వ చైతన్య శక్తి ప్రవేశించి  చెడ్డ ప్రాణశక్తి వున్న ప్రాంతములో  చైతన్య శక్తి ప్రవేశించి వాటిని తొలగిస్తుంది. ధ్యానం లో ఈ ప్రాణశక్తి బ్లూ కలర్ లో ప్రవేశిస్తున్న అనుభూతిని పొందుతారు.అందువల్ల ధ్యానం చేస్తే ఎన్నో దీర్ఘకాలిక వ్యాధులు తొలగిపోతాయి. మనల్ని పట్టి పీడిస్తున్నా దుర్వ్యసనాల నుండి బయట పడవచ్చు. ఆత్మ దర్శనం కలిగి ఎన్నో ఆధ్యాత్మిక అనుభవాలు కలుగుతాయి. అప్పుడు దేవుడు ఎక్కడో లేడు, మనలోనే వున్నాడనే అద్భుతమైన అనుభవాన్ని పొందుతాము.  గాఢ ధ్యానం లో మనం కోరుకొనే సంకల్పాలు గూడ నెరవేరుతాయి. మైండ్ లో పేరుకుపోయిన చెత్త అంతా తోలిగిపోవడంతో జ్ఞాపక శక్తి అద్భుతంగా పెరుగుతుంది.

ఇంటిలో పిరమిడ్లు

🌹 దీపం వెలిగిస్తే కొద్ది సేపు ఇంటికి వెలుగునిస్తుంది.🔺కాని పిరమిడ్ ఇంటిలో ఉంచితే అది ఉన్నంతకాలం  👍విశ్వశక్తి ని నిరంతరాయంగా ఇంటిలోకి ప్రసరింపజేసి ఇంటిలో ఉన్న చెడు శక్తి ని దూరం చేస్తుంది.ఒక ఇంటికి కనీసం 9 పిరమిడ్లు ఏర్పాటు చేస్తే ఆ ఇల్లు అద్భుత శక్తి క్షేత్రం అవుతుంది. ఆరోగ్య ధామం అవుతుంది. ప్రస్తుతం బుద్దాహుద్ ధ్యానకేద్రాన్ని అద్భుతంగా  నిర్వహిస్తూ తను ఒక అఖండ జ్యోతిగా వెలుగొందుతూ ఎన్నోజ్యోతులను వెలిగిస్తున్న పామూరు పవన్ గారి పిరమిడ్ ఫ్యాక్టరీ,నెల్లూరు లో ధ్యానుల ఉపయోగార్ధం అతి తక్కువ ధరకే పిరమిడ్ లు లభ్యమౌతున్నాయి. వివరాలకు  పవన్:8555070725    నరేష్: 9618486841

కాస్మిక్ ఎనర్జీ

  💐 ధ్యానం 💐

              🌏 ఈ మహా విశ్వమంతా "విశ్వ శక్తి" తో నిండి వుంటుంది. దీనినే కాస్మిక్ ఎనెర్జీ అని మరియు ప్రాణ శక్తి అని కూడా అంటారు. విశ్వంలోని గ్రహాలు, మనుషులు, చెట్లు, అణువులు, పరమాణువులు వాటి మధ్య వున్న శక్తి ఈ "విశ్వ శక్తే" . నిద్రలోనూ, సంపూర్ణ నిశ్శబ్దంలోనూ మనం ఈ విశ్వశక్తిని కొద్దిగా మాత్రమే పొందుతున్నాం. అలా పొందిన విశ్వశక్తిని మన దినచర్యలలోని అన్ని శారీరిక కార్యక్రమాలకు మరియు మానసిక కార్యక్రమాలకు వాడుతున్నాము. నిద్రలో పొందే ఈ పరిమిత శక్తి అన్ని పనులకు సరిపడదు. తద్వారా అన్నిరకాల మానసిక, శారీరక రుగ్మతలు వస్తున్నాయి.

            🙏🏻     ఈ మానసిక, శారీరక రుగ్మతల నుండి విముక్తి పొందడానికి ఏకైక సాధనం "ధ్యానం". ఈ ధ్యానం వలన ఆలోచనారహిత స్థితిలో ఉండటం జరుగుతుంది, ఈ  స్థితిలో అనంతమైన విశ్వమయ ప్రాణశక్తిని పొందుతాము. ఈ విశ్వమయ ప్రాణశక్తిని పొందడము ద్వారా మన శరీరంలోని 💞2,72,000 నాడులు శుద్ది జరిగి తద్వారా మనలోని శారీరక రుగ్మతలు, మానసిక రుగ్మతలు తొలగి 1. సంపూర్ణ ఆరోగ్యం (Total Health)

 😊 2. మానసిక ప్రశాంతత (Mental Peace)

🙇🏼‍♂  3. బుధ్ది కుశలత (Enhanced Intellect)

💇‍♂  4. నైపుణ్యము (Efficiency)

💞  5. ఆత్మ సంయమనము (Self Control)

  💇‍♂ 6. ఏకాగ్రత (Concentration) 

 🙏🏻 7. ఆత్మ విశ్వాసము (Self Confidence)

😊 8. ఆత్మ సంతృప్తి (Self Satisfaction)

  💇‍♀ 9. ఙ్ఞాపకశక్తి (Memory Power)

💞   10. సంకల్పశక్తి (Thought Power)

 ఇవన్నియు మనలో పెరిగి

  👁‍🗨 11. దివ్యచక్షువు ఉత్తేజితం (Third eye Activation) మరియు

~~  12. సూక్ష్మశరీరయానం (Astral  Travelling) జరుగుతుంది.~

గాఢ ధ్యాన అనుభవాలు.🌹🔥

🔥గాఢ ధ్యాన అనుభవాలను మన అంతర,అభౌతిక ఇంద్రియాలతో గ్రహిస్తాం కనుక వీటిని అతీంద్రియ జ్ఞానం అంటాము, మన ప్రాణమయకోశంలో అపరిమితమైన విశ్వమయ ప్రాణశక్తి ప్రవహించిన ఫలితంగా ఈ గాఢ ధ్యానానుభవాలు పొందుతాము.

🔥ప్రతి ఒక్కరూ ప్రాణశక్తిని విభిన్నంగా అనుభూతి చెందుతారు కనుక, ఈ అనుభవాలు కూడా వారి దృక్కోణాలు, పరిధులను బట్టి వైవిధ్యభరితంగా ఉంటాయి. ఈ అనుభవాలన్నీ అధికంగా మేధస్సు కన్నా, అనుభూతిక స్థాయికి చెందినవే. ఈ అనుభవాలన్నీ ఇక్కడ ఈ క్షణంలో సంభవిస్తాయి. మరి ఆత్మ మాత్రమే అక్కడికి ప్రయాణించగలదు. కొంతమందికి వారి శరీరం చాలా బరువుగా మారినట్లు అనిపిస్తుంది. కొంతమందికి వారి శరీరం చాలా తేలికగా అయినట్లు అనిపిస్తుంది. కొంతమందికి శరీరం ఆకస్మిక కదలికలు కలుగుతాయి.

🔥కొందరికి శరీరంలో వేడిమి తీవ్రమైనట్లు అన్పించి, విపరీతంగా చెమటలు పడతాయి. కొందరిలో ఉన్నత ప్రకంపనాస్థాయి శక్తి శరీరంలోకి ప్రవహిస్తున్నప్పుడు, చలి , వణుకు రావటం జరుగుతుంది. కొంతమంది మార్మిక శబ్దతరంగాలకు అనుసంధానమై  దివ్య శ్రవణానుభూతులు పొందుతారు. కొంతమందికి తేనెటీగ ఝంకార నాదం, లేక పాము బుస కొట్టినట్లు వినిపిస్తుంది.

🔥కొన్ని సార్లు మనకు ధ్యానంలో చల్లగా, వణుకు పుట్టించేలా ఒళ్ళంతా ఏదో పాకినట్లు అన్పిస్తుంది. కొంతమంది ధ్యానం చేస్తున్నప్పుడు, పూలవాసనలు, ధూపం లేక కొన్ని అపరిచితమైన, గుర్తించలేని పరిమళాలు కూడా ఆఘ్రాణిస్తారు.  కొన్నిసార్లు శ్వాసప్రక్రియ దానంతట అదే మారుతుంది. వేగవంతం కానీ నెమ్మదించటం కానీ జరుగుతుంది. అలాంటపుడు కొందరు తమ శ్వాస ఆగిపోయినట్లు భావించి ఉలిక్కిపడతారు. గాఢ ధ్యానస్థితిలో ఆలోచనల పట్ల ఎరుకను పూర్తిగా కోల్పోతాము. కొంతమందికి నుదుటి భాగంలో ఒత్తిడి, నొప్పి, చక్కిలిగింతలు, దురద,లాగేయడం, కొట్టుకోవటం ఇంకా మరెన్నో స్పందనలు కలుగుతాయి. కొంతమందికి ప్రకాశవంతమైన రంగులు వివిధ శ్రేణుల్లో పెరుగుతాయి, తరుగుతూ, వెలుగులు విరజిమ్ముతూ కనిపిస్తాయి. ఎరుపు, నారింజ, పసుపు ఆకుపచ్చ, నీలం,తెలుపు మొదలైన అనేక వర్ణాల్లో శ్రేణుల్లో వివిధ జ్యామితీయ ఆకారాలు నమూనాలను చూడటం అనేది ఒక సాధారణమైన ధ్యానానుభవం.

🔥కొంతమంది దేవతామూర్తులను, మార్గదర్శకులను, గురురూపాలను దర్శిస్తారు. కొందరు భవిష్యత్తుకు సంబంధించిన సంఘటనలన్నింటినీ చిత్రాల్లా చూడగలరు. కొంతమందికి యాదృచ్చికంగా తమ పూర్వజన్మ జ్ఞాపకాలు స్ఫురిస్తాయి. కొందరికి తమ శరీరం సంకోచించినట్లు అన్పిస్తే, మరికొందరికి వ్యాకోచించినట్లు అన్పిస్తుంది. కొందరు తమ భౌతిక శరీరంలో లేమినీ, వేరే ప్రపంచంలో ఉన్నామని అనుభూతి  చెందుతారు. కొనదిరికి సూక్ష్మతలాల్లో శత్రచికిత్స జరిగినట్లు ఆనుభవమౌతుంది.

🔥మూలంతో కలిసి ఉన్నప్పుడు, కాలం గురించిన ఎరుకను కోల్పోతాము. కేవలం మన ఆత్మ గురించి మాత్రమే ఎరుకతో ఉంటాము. మనస్సు పరిపూర్ణంగా విశ్రమించినపుడు, అంతః ప్రేరణ, దివ్యజ్ఞానం పోనడటానికి అవకాశం ఉంటుంది. గాఢ ధ్యాన స్థితిలో మన స్పిరిట్ గైడ్స్ ను కలుకోవటం సులభంగా జరుగుతుంది.

🔥ధ్యానంలో మన ఇష్టాఇష్టాలకు అతీతంగా బంధారాహిత్యాంలో ఉండిపోతాము. మన మనో స్థితులను గమనిస్తూ, వాటిని అవగాహన చేసుకోవటమే ధ్యానం. గాఢ ధ్యానానుభవాలు శరీరం, మనస్సును అధిగమించి ఉన్నత చైతన్యస్థితికి చేరటానికి దోహదం చేస్తాయి. ధ్యానంలో పరిణితి సాధించాక, ధ్యానం చేస్తున్నప్పుడే కాక, చేయకుండా ఉన్నప్పుడు కూడా శక్తి ప్రవాహ కదలికలను మన శరీరంలో గమనించగలం.

ధ్యాన పరిష్కారం

” ధ్యానం “

కార్మికుడునుంచి, కర్షకుడునుంచి, చిన్న ఉద్యోగినుంచి ఉన్నత ఉద్యోగివరకు, కటిక బీదవాడునుంచి కోటీశ్వరుడు వరకు, ఒకటవ తరగతి చదివే పిల్లవాడినుంచి, ఉన్నత విద్య చదివే విద్యార్ధి వరకు ఈ ప్రపంచంలో, అందరికీగల ఏకైక, సామాన్య, కొరకరాని సమస్య ” మానసిక ఒత్తిడి “. జీతం సరిపోవట్లేదని కార్మికుడు; పంటలు పండటం లేదని కర్షకుడు; పైఅధికారుల వేధింపులు, పని ఎక్కువైందని చిరుఉద్యోగి; తన విలువను సరిగా యాజమాన్యం గుర్తించటలేదని ఉన్నత ఉద్యోగి; తింటానికి తిండి, ఉండటానికి ఇల్లు లేదని బీదవాడు; మితిమించిన సంపాదనను, పన్ను కట్టకుండా ఎక్కడ, ఎట్లా దాచిపెట్టాలని కోటీశ్వరుడు; పుస్తకాల బరువును మోయలేక పోతున్నానని వాపోయే ఒకటవ తరగతి విద్యార్ధి; ఉన్నతవిద్య చదివినా మంచి ఉద్యోగం రాలేదని ఉన్నతవిద్య చదివిన విద్యార్ధి; వీఅందరికిగల ఒకే ఒక సమస్య ” మానసిక ఒత్తిడి “.అన్ని దారులు మూసుకు పోయాయి,ఇక జీవితం శూన్యం అని ఆత్మహత్యకు ప్రయత్నించే వారెందరో.
ఈ సమస్యకు పరిష్కారం లేదా? అన్నది ప్రశ్న. ఉన్నది అనేది సమాధానం.

ఒక కారు, ఆగకుండా పన్నెండు గంటలు ప్రయాణించిందనుకోండి. అప్పుడు, ఆ కారులోని ఇంజన్ చాలావేడెక్కి కారు ఆగిపోతుంది. ఇంజనును చల్లార్చి, రేడియేటర్లో చల్లటి నీళ్ళు పోసినట్లైతే, కొంతసేపటికి ఇంజన్ చల్లబడి, తిరిగి కారు ప్రయాణించిటానికి సిద్ధమైవుతుంది. అదేవిధంగా, అనేక సమస్యలతో వేడెక్కిన మన మనస్సు, ఆ సమస్యలకు పరిష్కారం కనుక్కోలేక, ఆలోచనలు స్తంభించి పోతాయి. ఒక సమస్యకు పరిష్కారం కనిపెట్టగానే, మరొక సమస్యను ఎదుర్కోవాల్సివస్తే, మళ్ళీ, మళ్ళీ, మనసు చికాకుపడిపోతుంది. పర్యవసానం, ఇతరులపై కోపం, కసి, ద్వేషం పెరిగిపోతాయి. తనపై తనకు కోపం పెరిగి, తను అసమర్ధుడినేమో అనే అపోహ కలిగి, చివరకు ఏమీ చేయలేని స్థితికి చేరుకుంటుంది మనసు. కాబట్టి, మనసుకు ప్రశాంతత కావాలి. మనసుకు బలం కావాలి.

ఈ పై సమస్యకు చక్కటి పరిష్కారం మన ఋషులు చెప్పినదే ” ధ్యాన క్రియ “. “ధ్యానం” అంటే: ధీ + యానం. “ధీ” అంటే మతి, లేదా బుద్ధి అని అర్ధం. “యానం” అంటే, ప్రయాణించటం. మతి లేదా బుద్ధి అనేవి “మనసుకు సంబంధించినవే”. అంటే, మనసుతో ప్రయాణించటం అని అర్ధం. శరీరంతో ప్రయాణిస్తాం కానీ, మనసుతో ప్రయాణించటం ఏమిటి అని అంటారా? అవును, ఇది సరిఅయినదే. మనం ఒక్క నిముషం, ఏ పనీలేకుండా కూచున్నామనుకోండి. మన శరీరం, కుర్చీలోనే వుంటుంది; కానీ, మన మనస్సు “అమెరికా” కు ఎగిరిపోతుంది. నిన్ననే చేతికి వచ్చిన “అమెరికా వీసా” విషయం మన మనసులో వున్నది కదా! అంటే, “మనసుతో ప్రయాణించాం గదా!!” అయితే, ఇక్కడ ముఖ్యంగా చెప్పుకోవలసిన విషయమేమిటంటే, మామూలుగా వున్నప్పుడు, పనులను బట్టి, మన మనసు ఆలోచనలతోసహా ఇంకో చోటికి ప్రయాణిస్తుంది. అంటే, అక్కడ కూడా ఆలోచనలతో కూడిన “ట్రాఫిక్ జామ్”. కానీ, “ధ్యానం” లో, ఆలోచనలను ఎక్కడ వున్నవాటిని అక్కడే వదిలేసి, అనగా చెత్తను వదిలేసి  ఆలొచనలు లేని, చేరని కేంద్రానికి మనసు ప్రయాణిస్తుంది. ఈ కేంద్రాన్ని ” సమాధి కేంద్రం ” అని అనవచ్చు. అక్కడ వున్న మానసిక స్థితిని ” సమాధి స్థితి ” అని అనవచ్చు.
మరికొన్ని వివరాల్లోకి వెళ్దాం.
మనకు మూడురకాల శరీరాలున్నాయి. ఒకటి భౌతిక శరీరం; రెండవది: సూక్ష్మ శరీరం; మూడవది: కారణ శరీరం ( దీని విషయం మనకు ఇప్పుడు అంతగా అవసరం లేదు). భౌతిక శరీరంలో అన్నిరకాల అంగాలు వుంటాయి. సూక్ష్మశరీరంలో మనస్సు వుంటుంది. ఇందులోని అంతర్భాగాలే బుద్ధి, చిత్తం. ప్రకృతి ధర్మం వలన, భౌతిక శరీరం ఉదయం చాల చురుకుగా వుంటే, సాయింత్రానికి, కొంత చురుకుదనం తగ్గుతుంది. చీకటిపడిన తరువాత, మన మనసులోని ” ప్రకృతి గడియారం ” నిద్రవచ్చేటట్లుగా చేసి, భౌతిక శరీరానికి విశ్రాంతి నిస్తుంది. దీనిని నిద్రావస్థ అని అంటాం. ఇక్కడ మనస్సు కొంతమేరకు జాగృతావస్థలో కూడా వుంటుంది. కలలు అందువలనే వస్తాయి. అయితే, జాగృతావస్థలో వుంటూనే, శరీరాన్ని, నిశ్చలంగా వుంచి, మనసు నిద్రావస్థను దాటి, సమాధిస్థితికి వెళ్ళటమే ” ధ్యానం “. ఎన్నో పద్ధతలు అమలులో వున్నప్పటికీ, దీనికి శ్వాస మీద ధ్యాస అనగా ఆనాపానసతి ధ్యానం ఉత్తమం.
చేసే పద్ధతి:–  "ధ్యానం చేయడం ఎలాగ? ధ్యానం అంటే ఏమిటి? " ధ్యానం అంటే మన మనస్సుని ఖాళీ చేసుకోవడం . "యోగః  చిత్తవృత్తి నిరోధః ". దానికి మార్గం ఏమిటి?  - "శ్వాస మీద ధ్యాస", ధ్యానం కోసం భూమి మీద చాప వేసుకుని సుఖాసనంలో కూర్చోవచ్చు,లేదా కుర్చీలో కూర్చోవచ్చు.  కుర్చీలో కూర్చున్నప్పుడు పాదాలు రెండూ ఒకదానికి ఒకటి క్రాస్ చేసుకోవాలి, వ్రేళ్ళలో వ్రేళ్ళు పెట్టుకోవాలి ; వీలైనంతవరకు నిటారుగా కూర్చుని సహజసిద్దంగా జరుగుతున్న ఉచ్వాస నిశ్వాశాలను గమనించాలి. పడుకుని మాత్రం ధ్యాన అభ్యాసం చేయకూడదు. ముసలివాళ్ళు, కూర్చోలేనివాళ్ళు అయితే మాత్రమే పడుకుని చేసుకోవచ్చు. కూర్చోగలిగినవాళ్ళు, ఆరోగ్యవంతులైన వాళ్ళు మాత్రం విధిగా కూర్చునే ధ్యానం చేసుకోవాలి. ప్రారంభంలో గదిని వీలైనంత చీకటి చేసుకోవాలి. ఎవరి వయస్సు ఎంతో కనీసం అంత సేపు రోజూ రెండు పూటలా ధ్యానం చేయాలి. అలా చేసినప్పుడు .. శ్వాస తనంతట తాను చిన్నదిగా అయిపోతూ చివరికి ‘నాసికాగ్రం’ లో అంటే ‘భ్రూమధ్యం’ లో, అంటే ఆజ్ఞాచక్రస్థానం లో, అంటే సుదర్శనచక్రస్థానంలో తనంతట తాను సుఖంగా స్థితం అయిపోతుంది. అప్పుడు ఆ స్థితిలో మనం తదేకమై, తన్మయమై వుంటే .. “మూడవ కన్ను” యొక్క విస్పోటనం మొదలవుతుంది.’ .. అదే మూడవ కంటిచూపు -ముక్కంటి చూపు .. థర్డ్ ఐ విజన్ !
కళ్ళు రెండూ మూసేసుకోగానే ధ్యానానుభవాలు రావు. మొదట్లో రకరకాల ఆలోచనల పరంపర మొదలవుతుంది. ఏంతో సేపటికికానీ ఆ ఆలోచనల పరంపర శమించదు. ఆలోచనలు వస్తూంటాయి...., పోతుంటాయి... వాటిని ఎప్పటికప్పుడు ' కట్ ' చేసేసి మళ్ళీ మళ్ళీ శ్వాస మీద ధ్యాస పెడుతూండగా ఆ ఆలోచనల పరంపర యొక్క ప్రెషర్ తగ్గుతుంది. ఒక్కొక్క ఆలోచనా మటుమాయమైపోతూ చివరకి ఆలోచనా రహితస్థితి వస్తుంది.  అప్పుడు ధ్యానానుభవాలు మొదలవుతాయి.ఎప్పుడయితే ధ్యానస్థితిలోకి వెళ్తామో అంటే ఇక్కడ ఆలోచనా రహిత స్థితే ధ్యానస్థితి అప్పుడు ధ్యాననుభవాలు మొదలవుతాయి.ధ్యానం అయిపోయిన తరువాత లేచేముందు కళ్ళని ఒక్కసారిగా తెరవకండి. నెమ్మదిగా, రెండు చేతులు 5 సెకన్ల పాటు  ముఖం పై వుంచుకొని క్రమంగా కళ్ళు తెరవండి.
ఇంతకీ, ఈ ధ్యానంలో ఏం జరుగుతుంది? ఒక్కమాటలో చెప్పాలంటే, “ఎనర్జీ కన్జర్వేషన్”, అంటే, మనలోని ప్రాణశక్తిని, పొదుపుగా వాడటం జరుగుతుంది. మనసు, తనకుతానే, “స్వయం సలహ ( ఆటో సజెషన్ ) ద్వారా, భౌతికమైన చర్యలను క్రమబద్ధీకరించి, ఆలోచనలను అదుపులోనికి తెచ్చి, సమాధి స్థితిలోకి వెళ్ళ్తుంది. ఈ ధ్యానాన్ని నిత్యం సాధన చేయటంవల్ల కలిగే లాభాలు:
మన శరీరంలో కోట్లాది ” న్యూరాన్స్ ” వుంటాయి. ఇవి ఒక ప్రత్యేక కణ వ్యవస్థ. ఇందులోని కణాలు ఒకదానికి ఒకటి తగులుకొని వుంటాయి. ఒక గొలుసుకట్టుగా వున్నటన్నమాట. మెదడునుంచి వచ్చే ప్రతి ఆజ్ఞని ఇవి ఆయాభాగాలకు అతివేగంగా తీసుకువెళ్తుంటాయి . తిరిగి, ఆయా భాగాల నుంచి వచ్చిన ప్రతిస్పందనను మెదడుకు తీసుకువెళ్తాయి.

ఉదా:- చీకటిలొ వెళ్ళాలి. ఉన్న కొద్ది వెలుతురు, కంటికి సరిపోవుటలేదు. కంటినుంచి ఈ సమాచారాన్ని మెదడుకు అందచేస్తాయి ఈ న్యూరాన్స్. మెదడు, కంటిపాపను పెద్దదిగా చేసి చూడు అన్న ఆజ్ఞను కంటి కండరాలకు చేరవేస్తాయి. ఈ విధంగా అనేక పనులను అవిశ్రాంతంగా చేస్తూ వుంటాయి. రోజూ తెల్లవారుజామున నాలుగు గంటలకు లేవాలి అనుకోని  సాధనచేస్తే, ఈ న్యూరాన్స్ మనలను సరిగ్గా అదే సమయానికి, అలారం వున్నా లేకపోయినా, నిద్ర లేపుతాయి.

ఈ న్యూరాన్స్, ఒక పనిని, అనేకమార్లు, ఒకే పద్ధతిలో చేస్తూవుంటే, ఆ పద్ధతిని ఎప్పటకీ గుర్తుపెట్టుకోగలవు. ధ్యాన ప్రక్రియలో కూడా, నిత్యం ధ్యానం చేస్తూవుంటే, ధ్యాన పద్ధతులను అవి గుర్తుపెట్టుకుంటాయి. అంటే, మనం ధ్యానం చేయటానికి కూర్చోగానే, శ్వాసపై ధ్యాసను పెంచటం; ఆలోచనలను అదుపులోకి తీసుకురావటం; తక్కువ గాలితో ప్రాణశక్తిని వాడుకోవటం; ఎంతసేపైనా కదలకుండా కూర్చొనే శరీర శక్తిని పెంచుకోవటం; శబ్దాలు వినవస్తున్నా వాటికి స్పందించకపోవటం, మనలోని ” ప్రకృతి సిద్ధంగావున్న జీవ గడియారాన్ని ” జాగృతి పరచకుండా వుండటంవంటి అతి ముఖ్యమైన పనులను క్రమబద్ధీకరించి, ఒక అలవాటుగా మన మనసులో నాటుకొనేటట్లు చేస్తాయి. దీనినే అభ్యాసం లేదా సాధన అని అంటాం.

పైవిధంగా మనం ధ్యానప్రక్రియను కొనసాగించినట్లైతే, మన మనసు అధీనంలోకి మన శరీరం, మనస్సు కూడా వస్తాయి. మనసు అధీనంలోకి మనసు రావటమేమిటంటారా? ఆత్రేయగారి పాట గుర్తులేదా? “మనసున మనసై” అని. అంటే, బాహ్య ప్రపంచంతో ఎక్కువుగా సంబంధం పెట్టుకొనే మనస్సు, తనలోని ప్రపంచంలోకి వెళ్ళి ప్రశాంతతను పొందుతుంది. దీనె వలనె మనపై మనకు మానసిక నియంత్రణ శక్తి కలుగుతుంది. ఇదే ” శక్తి ” మొట్టమొదట పేరాలో చెప్పుకున్న ” మానసిక ఒత్తిడి “ని తగ్గించ కలుగుతుంది. మానసిక బలాన్ని పెంచుతుంది. మానసికంగా అలసటను దూరం చేస్తుంది. కోపం, అసూయ, ద్వేషం మొదలైనవాటిని రూపుమాపుతుంది. ఏ సమస్యవచ్చినా, ప్రశాంతంగా ఆలోచించి, పరిష్కారాన్ని కనుక్కోగలుగుతుంది. అందుకే అన్నారు: ” మనసుంటే మార్గమే ఉండదా? ” అని.

ఉపసంహారం:- ధ్యాన ప్రక్రియ కుల, మతాలతో సంబంధం లేదు. ఇందులో ఎటువంటి మంత్రాలు, యంత్రాలు లేవు. గాలికి కులమేది? ఆ గాలి అనబడే ప్రాణశక్తిని, శ్వాస ప్రక్రియ ద్వారా మనం పొందుతాం. అటువంటి శ్వాస మీద ధ్యాస పెట్టటమే ఈ ధ్యానం అనేది. “అన్ని జబ్బులకు మనసే కారణమని” ఆధునిక వైజ్ఞానిక శాస్త్రాలుకూడా నమ్ముతున్నాయి. ధ్యానం ద్వారా, మానసిక ప్రశాంతతను పొందినప్పుడు, గొలుసుకట్టు మానసిక మరియు శారీరక జబ్బులు రావు. కోటి పూజలుకన్నా ఒక జపం; కోటి జపాలుకన్నా ఒక మంత్రం; కోటి మంత్రాలుకన్నా ధ్యానం అత్యున్నతమైనది అని పెద్దలు చెప్పారు.
” పిరమిడ్ ” ను ఉపయోగించి కూడా ధ్యానం చేయవచ్చు. ఇది ధ్యాన ప్రక్రియను 3రెట్లు  వేగవంతం, ధృడవంతం చేస్తుంది.  ఇంత అద్భుతమైన ధ్యానాన్ని మనకు అందించిన బ్రహ్మర్షి పత్రీజీ గారికి ప్రణామములు.

ధ్యానం అంటే ఏమిటి? ఎలా చేయాలి :

ధ్యానం, ధ్యానం, ధ్యానం ఎందుకు చేయాలి? నా పనులన్నీ పక్కన పెట్టి చేయవలసిన అవసరం నాకేమి ఉంది. ఇప్పుడే నాకు వచ్చిన తొందర ఏముంది. నా వయసు ఇంకా 25+ కదా. ఇప్పుడు బాగా enjoy చేయాల్సిన వయస్సు. బాగా సంపాదించాల్సిన వయస్సు. ఎన్నో ఎన్నెన్నో ఆలోచనలు వాటిని అన్నిటిని పక్కన పెట్టి ధ్యానం చేసుకోవాల్సిన అవసరం ఏముంది? అంత తొందర ఏమొచ్చింది? పైగా ఇంకా ఎన్నో భోగాలను అనుభవించవలసిన వయస్సు. ఇప్పుడే అన్ని వదులుకొని నా సమయాన్ని వృధా చేసుకోవలసిన అవసరం నాకేమి వుంది. పైగా ధ్యానం లో కూర్చుంటే ఆలోచనల మీద ఆలోచనలు వస్తూనే ఉంటాయి. ఇది మన వల్ల అయ్యే పని కాదు. అయిన నాకేమి అంత మించి పోయే వయసేమి రాలేదు కదా. అవును అండి. మీరు అలోచించినవి అన్నియు నిజాలు. పచ్చి నిజాలు.

కాని ధ్యానం ఒకప్పుడు (అంటే పూర్వ కాలంలో) చేసుకునే వాళ్ళు, వాళ్ళంతా అప్పుడు భగవంతుని దివ్య దర్శనాన్ని హృదయంలో దర్శించుకోవడం కోసం. కాని ఈ కాలంలో కూడా ధ్యానం చేసుకుంటున్నారు అయితే ఎప్పుడు అంటే ఆరోగ్యం బాగాలేక doctor దగ్గరికి వెళితే, అప్పుడు doctor గారు చెపితే  (లేక) చదువు మీద శ్రద్ధ నిలువలేక ఏకాగ్రత కోల్పోతుంటే (లేక) ఎవరో విదేశస్తులు మనకు సలహాలు ఇస్తే ఎందుకటే ఇప్పుడు మనం అంతా విదేశీ సాంప్రదాయాల మీద ఆధారపడివున్నాము కదా అందుకు ఎవరో చెపితే అప్పటి వరకు మనం దాని మీద concentrate చెయ్యం. ఇవి కూడ నిజాలే. మీరు ఒప్పుకున్నా, ఒప్పుకోకపోయిన. కాని ధ్యానం చేసుకుంటే కలిగే ప్రయోజనాలు చాలానే వున్నాయి, అవి శారీరకంగా మరియు మానసికంగా, రెండు విధాల ఉపయోగమే.  ఇప్పుడు చూడండి..35 సంవత్సరాల వయస్సుకే BP,షుగర్ మరియు గుందేపోట్లు వస్తుండడం చూస్తున్నాము.ఇదంతా మన మెదడు నుండి వచ్చే తప్పుడు సంకేతాల వల్లనే,.మన మెదడు సానుకూలంగా మనం పూర్తి ఆరోగ్యంగా జీవిత చరమాంకం వరకు మంచం లో పడకుండా ఆఖరి వరకు ఆరోగ్యంగా ఉండగల అద్భుత శక్తిని శ్వాస మీద ధ్యాస ధ్యాన ప్రక్రియ ద్వారా పొందవచ్చును.ఇదే కాకుండా ఆధ్యాత్మిక లాభాలను గూడ పొందవచ్చు. శరీరం క్రుంగి పోయి మనకు జబ్బులు వచ్చినప్పుడు కూర్చోవడానికే శక్తి లేనప్పుడు ధ్యానం ఏమి చేయగలం. కాబట్టి చిన్న వయస్సు నుండే ధ్యానం అలవాటు చేసుకోవాలి.అనగా మన దినచర్యలో భాగం చేసుకోవాలి.గుర్తుంచుకోండి.. ఒక గంట సేపు ధ్యానం 4 లేక 5 గంటల సేపు నిద్ర కు సమానం. ధ్యానం చేయడానికి సమయం లేదని ఎప్పటికి అనకండి.

ధ్యాన శక్తి

ధ్యానం లో మాస్టర్స్(పరమ గురువులు)లతో మాట్లాడుతున్నాం,నాకు ధ్యానం లో మూడవ కన్ను తెరుచుకున్నది,నా శరీరంలో సమస్యకు ఆస్ట్రల్ సర్జరీ (ధ్యానంలో మాస్టర్స్ చే సర్జరీ ) జరిగింది,నాకు ఇంతకు ముందున్నదీర్ఘ కాలిక అనారోగ్యాలు పోయి ధ్యానం తో పూర్తి ఆరోగ్యం చేకూరింది,నేను ధ్యానం లో ఆస్ట్రల్ ట్రావెల్  (సూక్ష్మ శరీర ప్రయాణం ) చేసాను,  నేను నా పూర్వ జన్మలను ధ్యానం లో చూసుకొన్నాను, చనిపోయిన మా ఆత్మీయులతో మాట్లాడాను, నాకు ఆత్మ దర్శనం జరిగింది,నా చెడు కర్మలన్నీ ధ్యానం తో తీసివేయబడ్డాయి,నాకు ధ్యానం తో కుండలిని జాగృతం అయ్యింది మరియు నాకు అష్ట సిద్దులు లభించాయి కాని వాటిని దుర్వినియోగం చేయవద్దని ధ్యానం లో ఇన్నర్ వాయిస్  నన్ను హెచ్చరించింది మరియు ధ్యానం లో సంకల్పం చెప్పుకోవడం ద్వారా నా చిరకాల కోరికలన్నీ సిద్ధిస్తున్నాయి అని వేలు,లక్షల మంది ధ్యానులు వాళ్ళ వాళ్ళ అనుభవాలు తెలియజేస్తున్నారు. మరి మీకు పైన పేర్కొన్న వాటిలో ఏదైనా జరిగిందా,ఎందుకు జరగదు. పట్టుదలగా ధ్యానం మీద ధ్యాస పెడితే (ధ్యానం అంటే శ్వాస మీద ధ్యాస) మీకు గూడ సిద్దిస్తాయి. మరెందుకు ఆలస్యం,పట్టుదలగా ధ్యానం చేయండి.మీ పనులు ఆపేసి చేయమనడం లేదు.మీరు వృధా చేస్తున్న సమయం లోనే ధ్యానం చేయండి. ప్రతి సీరియల్ లో కుట్ర మీద కుట్ర చేసే లేడీ విలన్ లను పెట్టి వందలాది ఎపిసోడ్లతో మనకు బీపీ లు షుగర్ లు తెచ్చిపెడుతు కుటుంబ సభ్యల మధ్య ఆప్యాయతలు లు దూరం చేస్తున్న సీరియల్ లకు దూరంగా వుండండి.ఆ సమయం లో ధ్యానం చేయండి.మీకు వీలు దొరికినప్పుడు సమయం వృధా చేయకుండా ధ్యానం చేయండి. తెల్లవారుఝామున పడుకోబోయే ముందు కనీసం మీ వయసెంతో అన్ని నిముషాలు ధ్యానం చేయండి. ఆ తర్వాతా ఎన్ని గంటలైనా ధ్యానం చేయవచ్చు. ధ్యానం తో మీ సంసార జీవితం ఆనందమయం అవుతుంది.ఒక్క విషయం గుర్తించుకోండి. అతిమాట మతి హాని. ఒకరిని విమర్శిస్తే వారి చెడ్డ కర్మ ను అనవసరంగా మీరు తీసుకొన్న వాళ్ళు అవుతారు. ధ్యానం తో మొదట ఎనర్జీ ని తీసుకోండి. ధ్యానం తో మీ చెడ్డ కర్మ అంత దహనం అయ్యిన తర్వాత అనుభవాలు వాటికవే వస్తాయి. ధ్యానం తో నాదీ మండల శుద్ధి జరుగుతుంది.అందువల్ల ధ్యాన సమయం లో మాత్రం తాత్కాలికంగా నొప్పులు రావచ్చు. కాని ధ్యానాన్ని వాయిదా వేయకండి. ఎప్పుడైతే వాయిదా వేస్తారో ఆ వాయిదాలు కొనసాగుతూనే వుంటాయి.  ధ్యానం చేసే పద్దతి: ప్రశాంతంగా సుఖాసనం లో కూర్చొని రెండు కళ్ళు మూసుకొని,రెండు చేతులు కలిపి వేళ్ళల్లో వెళ్ళు పెట్టుకొని ఒకవేళ కుర్చీ లో కూర్చొంటే రెండు కాళ్ళు క్రాస్ చేసుకొని కూర్చోండి. వచ్చే ఆలోచనలను కట్ చేస్తూ శ్వాస మీద ధ్యాస పెట్టి మీ వయసెంతో కనీసం అన్ని నిముషాలు ధ్యానం చేయండి. ఒక్క గంట సేపు ధ్యానం నాలుగు గంటల నిద్ర తో సమానం.
  కోటి పూజలుకన్నా ఒక జపం; కోటి జపాలుకన్నా ఒక మంత్రం; కోటి మంత్రాలుకన్నా ధ్యానం  అత్యున్నతమైనది అని పెద్దలు చెప్పారు.🙏