ధర్మసందేహం-సమాధానం

సందేహం;- అరుంధతి నక్షత్రం కనిపించదు కద ,  అయినా పెళ్లిలో  ఈ నక్షత్రం చూడమంటారు ఎందుకు?

సమాధానం;-  వివాహం జరిగిన తర్వాత వధూవరులను ఇంటి బయట (వివాహ వేదికకు)
తూర్పునకు గానీ, ఉత్తరానికి గానీ తీసుకుని వెళ్ళి, మొదట ధ్రువ నక్షత్రాన్ని, తర్వాత అరుంధతీ నక్షత్రాన్ని వారికి చూపిస్తారు.

ధ్ర్రువ నక్షత్రం లాగ వారు నిలకడ అయిన మనస్తత్వాలతో స్థిరంగా ఉండాలని, అలాగే వధువు అరుంధతి లాగా మహాపతివ్రతగా మనుగడ సాగించాలనే ఆకాంక్ష ఈ ప్రక్రియలో కనిపిస్తుంది.

అరుంధతి యొక్క పాతివ్రత్య మహిమను వివాహ సందర్భంలో ఒక్కసారి నవ వధూవరులు మననం చేసుకునేందుకు.

పగటి కాలంలో నక్షత్రాలు సూర్యుని కాంతి కారణంగా కన్పడవు కాని ఉంటాయి. కావున ఆ భావనతో దర్శించి నమస్కరించాలి.

భర్తను వీడక నక్షత్రమండలంలో కూడా భర్తతో నిల్వగల్గిన పవిత్రతను అదృష్టంగా పొందాలని అర్థం.

**********